Manqabat Ahl e Bayt | Mawlana Yunus Maleg

Discussion in 'Poetry' started by Aqdas, Aug 29, 2020.

Draft saved Draft deleted
  1. Aqdas

    Aqdas Staff Member

    منقبت اہل بیت
    از: مولانا محمد یونس مالیگ علیہ الرحمۃ


    ہیں جو مداح و محب دل سے غلام اہل بیت
    خلد کا مژدہ ہے ان کو اور پیام اہل بیت

    اللہ اللہ! عزو شان و احتشام اہل بیت
    آسماں سے ارفع واعلیٰ مقام اہل بیت

    ہے شہیدان وفا کے خون کی سرخی شفق
    شام غم گیں جو بھی ہے لگتی ہے شام اہل بیت

    خاک ہو جائے یہ طغیانی، ترا پانی فرات
    جب ضرورت پر نہ آیا تو بہ کام اہل بیت

    تھا یزیدی ظلم و استبداد اُدھر حد سے سوا
    صبر کی بھی تھی اِدھر محکم زمام اہل بیت

    صبح عاشورہ اذانِ آخری اکبر نے دی
    بہ تیمم ہیں جماعت میں تمامِ اہلِ بیت

    آئیہ تطہیر میں ان کی توصیف و ثنا
    کس قدر منظورِحق ہے احترامِ اہلِ بیت

    کر رہی ہے ساری امّت پیشِ خدمت با ادب
    تو بھی یونس عرض کر اپنا سلامِ اہلِ بیت

    ***

    ترسیل: نوری مشن مالیگاؤں
     
  2. Aqdas

    Aqdas Staff Member

    Mawlana Muhammad Yunus of Malegaon (d. 1982)

    IMG-20200829-WA0148.jpg
     
    abu Usman and Unbeknown like this.

Share This Page