dil meiN kuch aur mere hasrat.o.armãn nahiN

Discussion in 'Poetry' started by abu nibras, Sep 16, 2006.

Draft saved Draft deleted
  1. abu nibras

    abu nibras Staff Member




    dil meiN kuch aur mere hasrat.o.armãn nahiN : teri chãhat ke siwã!
    aah! afsos taraf merey tera dhyãn nahiN : kyuN tu hai mujh se khafã?

    ek din vo thã ke har dam terey dam.sãz the hum : tere hamrãz the hum!
    ab to yeh naqsha hai soorat ki bhi pehchaan nahiN: aashna tha ya na tha?

    paas jab tak rahe hum aap ke dil.shãd rahey : khoob azãd rahey!
    ab to fursat hameN ghamse kabhi ik aan nahiN : jab se haiN tum se judaa

    pehle to apni nazar meiN mujhe manzoor kiyaa : khoob masroor kiya!
    bazm se apni mujhe kaahe ko phir door kiya: meri tafseer bataa?

    hãl saktey ka sa hai keh to nahi sakta hooN mai : teri raah takta hooN mai
    dard.e.furqat se mere tan me rahi jaan nahiN : ai maseeha merey aa!

    baandh :Khamosh: kamar jald se kar azm.e.safar : mauj.e.dariya se na dar!
    nãkhuda kashti ka kuch tere nigehbaan nahiN : terã hãfiz hai khudaa!!

    ---

    This heart rending composition is by the famous sufi shaykh of the deccan Hazrat Sayyid Shah M`uinuddin Hussaini Shah Khamosh rahimahullah.​
     

Share This Page