goristan e shahi - by iqbal

Discussion in 'Poetry' started by abu Hasan, Sep 6, 2014.

Draft saved Draft deleted
  1. abu Hasan

    abu Hasan Administrator

    sotey haiN khaamOsh aabadi ke hangamoN se duur
    muztarib rakhti thi jin ko aarzoo e naa Saboor

    qabr ki zulmat meiN hai un aaftaboN ki chamak
    jin ke darwazoN pey rahta tha jabeen-gustar falak

    kya yahi hai un shahinshahoN ki azmat kaa ma'aal?
    jin ki tadbeer e jahaaN-baani se Darta tha zawaal

    ru'ub e faghfuri ho dunya meiN ke shan e qaysari
    Tal nahiN sakti ghaneem e maut ki yuurish kabhi

    badshahoN ki bhi kisht e umr kaa HaaSil hai gor
    jaadah e azmat ki goyaa aakhri manzil hai gor
     
    Unbeknown likes this.
  2. abu Hasan

    abu Hasan Administrator

Share This Page