On Sayyeds

Ghulam Ali · Feb 24, 2021

AbdalQadir · Feb 20, 2021

something I got on whatsapp today:

(1): کیا غیر سید سے بیعت ہونا جائزہے؟
(2):کیا آلِ رسول کی شفاعت کے بغیر کوئی جنت میں نہیں جائے گا؟
(3)کیا غیر سید ،سید سے افضل ہوسکتا ہے؟
فقیہ اعظم ہند،علامہ شریف الحق امجدی قدس سرہ لکھتے ہیں:
(1):جی بالکل! غیر سید سے مرید ہونا جائز ہے ،اگر یہ جائز نہ ہو تو پھر کسی بھی سلسلے میں مرید ہونا جائز نہیں ہوگا،ہر سلسلے کے اکابر غیر سید ہیں،اکثر سلاسل حضرت امام حسن بصری رحمہ اللہ تعالیٰ سے جاری ہیں،یہ سید نہیں بلکہ عجمی النسل غلام تھے(،ایک نہیں ہزار ہا سادات غیر سادات سے مرید ہوئے،بلکہ فخرالسادات حضور شیخ غوثِ اعظم جیلانی رضی اللہ عنہ کے شیخ حضرت سیدنا ابو سعید مخزومی قدس سرہ بھی سید نہیں تھے) ۔
(2،3):یہ بھی غلط اور باطل بات ہے کہ آلِ رسول کی شفاعت کے بغیر کوئی جنت میں نہیں جائے گا ،نہ تو ایسی کوئی حدیث ہے اور نہ ہی کسی معتمدبزرگ اور عالم کا قول ، اِسی طرح جولوگ یہ وظیفہ رٹتے ہیں کہ ’’کوئی آلِ محمد کے برابر نہیں ہوسکتا‘‘یہ اہلِ سنت کے اجماعی عقیدے کے خلاف ہے ، چنانچہ اہلِ سنت کا اس بات پر اتفاق ہے کہ خلفائے راشدین ،پھر عشرۂ مبشرہ ،پھر اصحابِ بدر،پھر اصحابِ بیعت رضوان پوری اُمت سے افضل ہیں،حتی کہ حسنین کریمین رضی اللہ عنہما سے بھی افضل ہیں،جوکہ ساداتِ کرام میں سے ہیں۔حضرت امام زین العابدین رحمہ اللہ تعالیٰ سید ہیں،کیا وہ صحابہ کرام سے افضل ہیں؟ کیا آج کے ساداتِ کرام ،صحابہ کرام ،تابعین عظام،وتبع تابعین وائمہ مجتہدین سے افضل ہیں ؟ کیا آج کے ساداتِ کرام حضرت امام حسن بصری ،حضرت فضیل بن عیاض ،حضرت ابراہیم بن ادہم،حضرت جنید بغدادی ، حضرت بایزید بسطامی ،حضرت شبلی ،حضرت ابوالحسن خرقانی اورحضرت عثمان ہارونی سے افضل ہیں؟،اِسے بھی جانے دیجیئے،کیاآج کا ایک سید جو عالم نہیں،اس عالم سے افضل ہے جو سید نہ ہو؟ ،قرآن مجید نےمدارِ فضیلت علم کو رکھا ہے ،ارشاد فرمایا:
يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ۔(المجادلہ:11)
(اﷲ تعالیٰ بلند کرے گاتم میں سے ان لوگوں کو جو ایمان لائےاور (خاص طور پراُن لوگوں کو) جنہیں علم دیاگیا )۔
نبی کریم صلی اللہ علیہ وسلم نے صحیح حدیث میں ارشاد فرمایا:
فَضْلُ العَالِمِ عَلَى العَابِدِ كَفَضْلِي عَلَى أَدْنَاكُمْ،(سنن ترمذی:2685)۔
(عالم کی فضیلت عابد پر ایسی ہے جیسے میری فضیلت تم میں سے ایک عام آدمی پر ہے)۔
علامہ علاؤ الدین حصکفی رحمہ اللہ تعالیٰ فرماتے ہیں:
وَلِلشَّابِّ الْعَالِمِ أَنْ يَتَقَدَّمَ عَلَى الشَّيْخِ الْجَاهِلِ،وَلَوْ قُرَشِيًّا قَالَ تَعَالَى وَالَّذِينَ أُوتُوا الْعِلْمَ دَرَجَاتٍ۔
(نوجوان عالمِ دین کے لیے جائز ہے کہ وہ بڑی عمر والے جاہل سے آگے بڑھے،اگروہ قریشی ہی کیوں نہ ہو ،اللہ تعالیٰ نے فرمایا:علم والوں کو اللہ درجوں بڑھاتا ہے،ت)
اس کے تحت فخر السادات علامہ سید ابن عابدین شامی لکھتے ہیں:
لِأَنَّهُ أَفْضَلُ مِنْهُ وَلِهَذَا يُقَدَّمُ فِي الصَّلَاةِ: وَهِيَ أَحَدُ أَرْكَانِ الْإِسْلَامِ: وَهِيَ تَالِيَةُ الْإِيمَانِ زَيْلَعِيٌّ. ،وَصَرَّحَ الرَّمْلِيُّ فِي فَتَاوَاهُ بِحُرْمَةِ تَقَدُّمِ الْجَاهِلِ عَلَى الْعَالِمِ، حَيْثُ أَشْعَرَ بِنُزُولِ دَرَجَتِهِ عِنْدَ الْعَامَّةِ لِمُخَالَفَتِهِ - {يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ، إلَى أَنْ قَالَ وَهَذَا مُجْمَعٌ عَلَيْهِ فَالْمُتَقَدِّمُ ارْتَكَبَ مَعْصِيَةً فَيُعَزَّرُ‘‘۔(ردالمحتار مع در مختار،ج6ص755)
(کیونکہ نوجوان عالم ،بڑی عمر والے جاہل سے افضل ہے ،یہی وجہ ہے کہ اُسے نماز میں امامت کے لیے آگے کیا جائے گا ،جوکہ اسلامی ارکان میں سے (ایک عظیم )رکن ہے اور ایمان کے بعد نماز کا درجہ ہے ۔علامہ رملی نے یہ تصریح فرمائی ہے کہ جاہل کو عالم سے مقدم کرنا حرام ہے اور اس کی حرمت پر اجماع ہے اوراُسے آگے کرنے والا شخص معصیت کا مرکتب ہے ،پس اُسے تعزیر کی جائے گی۔ت)
مسلمان قرآن مجید کی آیت ،حدیث اور پوری اُمت کا اجماعی حکم ملاحظہ کریں کہ عالم غیر سید ،سید غیر عالم سے افضل ہے اور حال یہ ہے کہ آج کل تقریباً سو فیصد پیر زادے علم سے کورے اور خالی ہیں،خواہ وہ سید ہو ں یا نہ ہوں ،اور ساداتِ کرام میں علمی فقدان سب سے زیادہ ہے ،ان کا اس بات کا گھمنڈ ہوتا ہے کہ ہم سید ہیں،سارے زمانے سے افضل ہیں،ان کو علم کی کیا ضرورت ۔
واضح رہے کہ کسی مدرسے سے فارغ ہوجانے اور سند مل جانے سے کوئی عالم نہیں ہوتا ،عالم وہ ہے جو دین کے اُصول وفروع ،عقائد واحکام کا قدرِ معتدبہٖ علم رکھتا ہو ،جو اس پر قادر ہو یا جو بات اسے معلوم نہ ہو اُسے مطالعہ کرکے کتبِ دینیہ سے استخراج کرسکے۔ اور پیروں کا حال یہ ہے کہ ان میں کوئی ایسا نہیں ملے گا جو یہ بتاسکے کہ نماز میں کتنے واجبات ہیںاور اکثر ایسے ہیں جو یہ بھی نہیں جانتے ہیں کہ نماز میں کتنے فرائض ہیںاور دعویٰ یہ ہے کہ ہم سارے زمانے سے افضل ہیں۔
خلاصہ یہ ہے کہ ساداتِ کرام کو جو نسبی فضیلت حاصل ہے ،اس میں ان کا کوئی شریک نہیں،لیکن فضیلتِ کلی علم وفضل ،تقویٰ وورع ،زہد وخشیتِ خداوندی اور معرفتِ الٰہی میں اُمت کے کڑوڑوں بلکہ اربوں افراد ساداتِ کرام سے افضل ہوتے ہیںاور اب بھی ہیںاور قیامت تک ہوتے رہیں گے ۔ (فتاویٰ شارح بخاری :ج2ص:259،261)
مرتب:محمد عبداللہ ضیائی،عفی لہٗ.
20.2.2021
Click to expand...

Log in or Sign up

Forums

On Sayyeds

Ghulam Ali Well-Known Member

AbdalQadir time to move along! will check pm's.

Share This Page

Log in or Sign up

Useful Searches

On Sayyeds

Ghulam Ali Well-Known Member

AbdalQadir time to move along! will check pm's.

Share This Page