Tumharee Galee

Discussion in 'Poetry' started by Aqib alQadri, May 29, 2013.

Draft saved Draft deleted
  1. Aqib alQadri

    Aqib alQadri Veteran

  2. Aqib alQadri

    Aqib alQadri Veteran

    Dear friends, as-salaamo alaykum!

    Attached is another humble effort at writing the Naat shareef - called "Tumharee Galee": (The Urdu pdf is also attached):-

    “Tumhaaree Galee”:
    by Aqib alQadri

     Jo hai tum ne bulayaa, Tumhaaree Galee,
    o Kar do mera bichhaunaa, Tumhaaree Galee!

     Jee na laage mera, kisee samt kisee dar,
    o Jab se dekhee hai Aaqa, Tumhaaree Galee!

     Qudsi aate hain arsh o samaa chhod kar,
    o Rashkey Firdouse Aala, Tumhaaree Galee!

     Misley pathhar jo dil they khuda kee qasam,
    o Huye Yaqoot o Marjaan, Tumhaaree Galee!

     Dhoondey zaahid khudaa ko bayabaan mein,
    o Aakhir milta hai Irfaan, Tumhaaree Galee!

     Poochein Rab ka pataa dunya wale sabhi,
    o Nishaane Darbaare Wala, Tumhaaree Galee!

     Hai to Qurbe Ilaah un ki Qismat magar,
    o Chahein Moosa aur Eisaa, Tumhaaree Galee!

     Laye Roohe Ameen yahaan Hukme Raheem
    o Jis mein Qur’aan Utraa, Tumhaaree Galee!

     Bu Hurairah ne paayi sabhee ne’matein,
    o Jis ne daaman pasaraa, Tumhaaree Galee!

     Jholi bhar dee jawahir se har ek kee,
    o Jis ne deraa lagayaa, Tumhaaree Galee!

     Mangte, Mufliso Mohtaaj - aduw yaa walee,
    o Hota Sab Ka Guzaaraa, Tumhaaree Galee!

     Ghaus o Khwaja Piyaa, aur Ahmed Razaa,
    o Sab ko tumne nawazaa, Tumhaaree Galee!

     Hosho aqlo fikar - meri jaano jigar,
    o Sab ko chhod mein aayaa, Tumhaaree Galee!

     Kuchch Nadamat ke Ashk, aur salaami ke phool,
    o Aasi saath yeh laayaa, Tumhaari Galee!

     Wajd mein jhoome Aqib ke jannat mili,
    o Aakhree ho thikaana, Tumhaaree Galee!
     

    Attached Files:

Share This Page