yaad meiN jiski nahiN hosh-e-tan o jaaN humko

Discussion in 'Poetry' started by samir_shaikh, Jul 22, 2006.

Draft saved Draft deleted
  1. samir_shaikh

    samir_shaikh New Member

    as salamu `alaykum

    this is one of the sweetest na`at e paak from the albums of sarkar Ala Hazrat. can someone translate the below lyrics in simple english OR just explain the shayrs in urdu. these lyrics were once posted by a dear friend of mine on Ala hazrat forum.

    may Allah bless us all & this brother the best in both the worlds.

    jazak Allah khayr.

    talibe-du`a,
    samir.

    ~~~~~~~~~~~~~~~~~~~~~~~~~~~~~~~~~~~~~~~~~~~~~~~

    yaad meiN jiski nahiN hosh-e-tan o jaaN humko
    phir dikha de wo rukh ay mahr-e-farozaN humko

    deyr se aap meiN aana nahiN milta hai humeN
    kya hi khud rafta kiyaa jalwa-e-jaaNaaN humko

    jis tabassum ne gulistaaN pe giraayi bijli
    phir dikha de wo adaa-e-gul-e-khandaN humko

    kaash aawiza-e-qindeel-e-madina ho wo dil
    jiski sozish ne kiyaa rashk-e-charaaghaN humko

    `arsh jis khubi-e-raftaar ka paamaal huwa
    do qadam chal ke dikha sarw-e-khiraamaN humko

    khawf hai sam`a kharaashi-e-sag-e-Tayba kaa
    warna kyaa yaad nahiN naala O afghaaN humko

    khaak ho jaayeN dar-e-paak pe hasrat miTjaay
    yaa ilaahi na phiraa be sar O saamaN humko

    khaar-e-Sahray-e-madinah na nikal jaaye kahiN
    waHshat-e-dil na phiraa koh o bayaabaN humko

    tang aaye haiN do aalam teri betaabi sey
    cheyn lene de tap-e-seena-e-sozaN humko

    paaOn ghirbaal huwe raah-e-madinah na mili
    ay junuN ab to mile rukhsat-e-zindaaN humko

    mere har zakhm-e-jigar se yahi aati hai Sadaa
    ay maleeH-e-`arabi kar de namak daaN humko

    sayr gulshan se aseeran-e-qafas ko kyaa kaam
    na dey takleef-e-chaman bulbul-e-bustaaN humko

    sham`a-e-Tayba se maiN parwaana raHun kab tak duur
    haaN jalaa de sharar-e-aatash-e-pinhaaN humko

    jab se aankhoN meiN samayi hai madiney ki bahaar
    nazar aate haiN khazaaN deeda gulistaN humko

    gar lab-e-paak se iqraar-e-shafa`at ho jaay
    yuN na beycheyn rakhe joshis-e-`iSyaaN humko

    nayyir-e-Hashr ne ik aag lagaa rakhi hai
    tez hai dhuup miley saaya-e-daamaaN humko

    raHm farmayiye yaa shaah ke ab taab nahiN
    taa bake khuuN rulaye gham-e-hijraaN humko

    chaak daamaN pe na thak jayiyo ay dast-e-junuN
    purze karnaa hai abhi jayb o gariybaN humko

    parda us chahra-e-anwar se uTha kar ik baar
    apna aayina banaa ay mah-e-taabaaN humko

    ay raza waSf-e-rukh-e-paak sunaa ne ke liye
    nazr dete haiN chaman murgh-e-ghazal khwaaN humko
     

Share This Page