Manqabat Ghawth e Azam | Mawlana Yunus Maleg

Discussion in 'Poetry' started by Aqdas, Nov 26, 2020.

Draft saved Draft deleted
  1. Aqdas

    Aqdas Staff Member

    *عبد قادر شہ بغداد شہِ جیلانی*

    از: مولانا محمد یونس ؔمالیگ علیہ الرحمۃ

    عبد قادر شہ بغداد شہِ جیلانی
    غوث اعظم ہیں ولیوں میں ولی لاثانی

    جب بھی میں نے کہا یا غوث دمِ حیرانی
    مجھ کو ہر سختی و مشکل میں ہوئی آسانی

    گردنیں اپنی جھکاتے ہیں ولی سُن سُن کر
    قدمی ھٰذہٖ فرمانِ شہ جیلانی

    کوئی سائل کبھی خالی نہیں لوٹا در سے
    ہوتی ہے گوہرِ مقصود کی دُر افشانی

    ناخدا بن کے کنارے سے لگایا تم نے
    جب پکارا ہے کسی نے تمھیں در طغیانی

    خلد ساماں ہوئیں بغداد کی گلیاں تم سے
    ذرے ذرے کو ستاروں کی ملی تابانی

    دین کو ازسرِ نو زندہ کیا ہے تم نے
    محیِ دیں ہے لقب مرحمتِ یزدانی

    آج بھی جاری ہے بحرِ کرم غوث مگر
    ہو عقیدت تو ملے فیض شہِ جیلانی

    شہِ بغداد بلائیں تو پہنچ جاؤں گا
    باز رکھے گی نہ یونس مِری بے سامانی
    (ماخوذ : جناں بکف)
    ***
    ترسیل : نوری مشن مالیگاؤں
    ***
     
    Ghulam Ali and abu Usman like this.

Share This Page