ujDey huwey diyār ko ársh e barīN banayeN to
un pey fidā hai dil merā, naaz sey dil meiN aayeN to
chahra e paak sey niqāb aap zaraa uThayeN to
husn-e-khudā-numā ki shaan, shaan-e-khudā dikhāyeN to
kushta e ishq sayyidaa, aap key naam par marey
jalwah inheN dikhāyiye aap agar jilaayeN to
dard o alam key mubtalaa, jin ki kahiN na ho dawaa
dekheN woh shaan e kibriyaa, aap key dar pey aayeN to
kartey haiN kis pey kuch sitam, kyuN ho kisi ko ranj o gham
mawlid e Muşţafā ki ham, eyd agar manāyeN to
bad haiN agarche ham huzur, aap ke haiN magar zaruur
kis ko sunayeN haal e dil tum nahiN sunayeN to
aap key dar pey gar na aayeN, kaun sa dar hai jis pe jaayeN
saamney kis key sar jhukaayeN, aap hameN bataayeN to?
haal meraa tabaah hai, naamah meraa siyaah hai
heych meraa gunaah hai, aap agar bachaayeN to
dil ki muraad un ki deed; deed hai unki dil ki eyd
eyd nahiN hai kuch bayeed, lutf sey gar bulayeN to
sadmeN firaq o hijr key, kis sey yeh ghamzadah kahey
tu hi agar karam karey, dard e nihaaN sunayeN to
rafá haiN fat’ĥ key asar; peysh hain kasr key zirar
zeyr ko keejiye zabar, naSb adad uThayeN to
karney ko jaan o dil fidaa rozah e paak par shahaa
pahunchey naýīm e bey nawaa, aap agar bulāyeN to
